Transcription
1
Monseigneur, ayant entendu que celluy de monsieur de
2
Chastellar quil vous avoyt pleu mander à Aurenge
3
pour votre faict n’y avoyt guyère advancé, je me desliberay
4
de donner jusques là ; ce que je feis la sepmeyne
5
passée, où estant, je remonstray aux consulz la grande
6
longueur dont il use à vous parfère vostre payement.
7
Leur fis entendre que jestoye là expressement pour
8
les contraindre par voye de justice, ce que de faict je
9
vouloye faire et fère gaiger aulcuns de ceulx qui
10
sont obligés particullierement de leurs grains et meubles
11
de ce qui reste des XVIIc[ent] livres contenues en la dernière
12
obligation de fère aussi gaiger les consulz des arrerraiges
13
incorus despuys le compte ; et en fin me firent
14
entendre avoyr esté et estre tousjours de bonne volonté
15
de vous satisfaire et que si votre plaisir estoye leur
16
rabatre quelque partie desdits arreraiges en considerations
17
de leurs ruynes quilz vous payeroyent tout content
18
le demeurant et si vous rendroyent aussi le
19
fonds et capital de vostre pension, ainsi que verrés par une
20
lettre quilz vous envoyent. Et encores que je leur
21
remonstrasse quil ny avoyt ravisement ni aparance
22
daulcung rabat, si est ce quilz se persuadèrent que votre
23
seigneurie la leur acordera, et pour cest, jusques
24
avoyr entendu sur ce vostre bon plaisir, je leur acorday
25
suspension des contrainctes que je vouloye faire pour quinze jours
26
[v°] au moyen de quoy, monseigneur, il vous plairra leur
27
escripre ung mot la dessus ou à moy de ce quil
28
plairra en ordonner, afin que incontinent, je puysse
29
faire quelque chose pour en veoyr la fin, et madvertir
30
aussi si vous plaict de ce quilz vous ont payé,
31
car ilz mont faict entendre quil y a de reste
32
quatre cens escus soleil ; et à toutes fins, monseigneur,
33
il vous plairra me passer procuration pour recepvoir
34
et contraindre que soye en forme afin quilz nayent ocasion
35
de plus dillayer. Quoy actandant, je prieray Dieu
36
Monseigneur vous conserver en toute la grandeur et prosperité
37
que demandés. Du Montellimar, ce XXIIIIe daoust
38
Vostre très humble et très obeyssant
39
Serviteur
40
Delusy